Cynllun grant gan Lywodraeth Cymru yw Cynllun Cymunedau’r Dreth Gwarediadau Tirlenwi a weinyddir gan CGGC. Ei nod yw rhoi cyllid grant i gymunedau sy’n byw ar bwys safle tirlenwi neu orsaf trosglwyddo gwastraff. Mae cyfran o’r dreth a gesglir gan weithredwyr safleoedd tirlenwi yn darparu’r cyllid sy’n ffurfio’r cynllun grant.

Mae cynllun grantiau Cymru ac Affrica yn fenter flaenllaw gan raglen Cymru ac Affrica Llywodraeth Cymru. Mae’r cynllun yn galluogi grwpiau cymunedol a mudiadau yng Nghymru i gael gafael ar gyllid ar gyfer prosiectau bach sy’n cyfrannu at waith Cymru o gyflawni Nodau Datblygu Cynaliadwy’r Cenhedloedd Unedig a chyflwyno buddion i Gymru ac Affrica.

Yn ystod y pandemig, gwelsom enghreifftiau ardderchog o’r sector gwirfoddol yn gweithio mewn partneriaeth gyda’r sector cyhoeddus a’r sector preifat er mwyn diwallu anghenion dynodedig mewn argyfwng. Ers hynny, mae’r rheini sydd wedi derbyn Grant Strategol Gwirfoddoli Cymru (y Grant) wedi cynhyrchu gwaith ymchwil ac adnoddau sy’n symud arferion gwirfoddoli ymlaen i Gymru drwy gydweithio. I ddysgu mwy am y cyraeddiadau hyd yma, ewch i https://knowledgehub.cymru/cy/. Bydd grant Strategol Gwirfoddoli Cymru eleni yn gweithio ar ddatgloi’r potensial i ymwreiddio a/neu ddatblygu gwirfoddoli cydgysylltiedig ymhellach.